ZIARA YA KAMATI YA SIASA YA CCM MKOA WA SONGWE

Imewekwa : August 16th, 2019

KAMATI YA SIASA CCM MKOA IMERIDHISHWA NA KUIPONGEZA HALMASHAURI YA MJI WA TUNDUMA.

Hayo yamesemwa na Mhe.Mwenyekiti kamati ya siasa CCM mkoa wa Songwe  Mhe. Eneriko Mkola alipo kuwa kwenye ziara ya ukaguzi wa miradi mikubwa ya maendeleo katika Halmashauri ya Mji Tunduma.

Miradi mikubwa ya maendeleo ambayo kamati ya siasa ya mkoa iliitembelea ni  mradi wa maegesho ya magari makubwa pamoja na eneo la kujenga ofisi za Halmashauri lenye ukubwa wa hekari 17, mradi wa ujenzi wa Hospitali ya Halmashauri ya Mji Tunduma yenye hadhi ya Wilaya , ujenzi wa barabara kiwango cha lami yenye urefu wa km 0.8 pamoja na ujenzi wa vyumba sita(6) vya madarasa ya Shule ya  Msingi Sogea.

Mhe. Eneriko alisema pesa zinazotumika katika miradi mbalimbali ya maendeleo zinatokana na kodi za wananchi, hivyo  basi zitumike kama zilivyo kusudiwa.

Pia alisema wasimamizi wa miradi hiyo wahakikishe inakamilika katika ubora unao takiwa,ili kuhakikisha pesa za wananchi zinazo tokana na kodi zinatumuka bila kuwa na ubadhilifu wa aina yoyote ile.

Vilevile alisema Ilani ya Chama Cha Mapinduzi [CCM] imejiwekea adhima ya kuwaletea wananchi maendeleo kwa ujumla. ”Miradi hii itasaidia kutatua kero za wananchi pamoja na kuongeza pato la taifa.”

ZIARA YA KAMATI YA SIASA YA CCM MKOA WA SONGWE.pdf