NIMEFURAHISHWA SANA MAPOKEZI YA WANAFUNZI WA KIDATO CHA TANO TUNDUMA

Imewekwa : June 22nd, 2022

Mkuu wa mkoa wa songwe Mhe. Omary Mgumba amesema kuwa amefurahishwa na umaliziaji wa Ujenzi wa Shule ya Sekondari ya Tunduma

Mhe. Mgumba ameyasema hayo baada ya kwenda kukagua hali ya upokeaji wa wanafunzi wa kidato cha Tano amabao mpaka sasa wameripoti wanafunzi 40 kati ya 130

Mhe. Mgumba amewataka wanafunzi wasome kwa bidii kwani wametoka mikoa mbalimbali kuja kupata elimu ndani ya Mji wa Tunduma na wasianze kufanya mambo ambayo hayahusiani na masomo

“Hapa mmekuja kusoma na sio kufanya fujo au kuvuta bangi hivyo fuateni kilichowaleta na sio vinginevyo, mmebahatika kuwa shule yenu ipo mjini kabisa hivyo vya mjini mviache na wamjini wenyewe ninyi fuatilieni masomo” alisema RC Mgumba

Kwa upande wake Mwenyekiti wa Halmashauri ya Mji Tunduma Mhe. Ayoub Mlimba aliwakaribisha wanafunzi hao na kuwahakikishia kuwa watakuwa salama ndani ya Mji wa Tunduma mpaka watakapo maliza masomo yao

“Halmashauri yangu imejipanga vyema katika kuhakikisha mnasoma bila tatizo lolote, hivyo nawaalika na ambao hawajawasiri waje mapema ili wasichelewe masomo”

Naye Afisa elimu Sekondari Bi. Patricia Mbigili aliwaambia wanafunzi kuwa Idara yake ya Elimu Sekondari imeshajipanga kutoa elimu bora kwa wanafunzi wote hivyo anawakaribisha sana katika shule hiyo

“Hapa shuleni mmekuja kila mtu toka mkoa wake na kuja kuungana, hivyo unganisheni utaifa na muungane katika kuuenzi uzalendo anaoufanya Rais wetu wa Jamhuri ya Muungano wa Tanzania Mhe. Samia Suluhu Hassan” alisema Bi. Patricia