DC Mwandobo Akagua Ubandikaji Majina

Imewekwa : October 21st, 2024

Na Benton Nollo, TTC

Mkuu wa Wilaya ya Momba, Mhe. Elias Mwandobo tarehe 21 Oktoba 2024 ametembelea baadhi ya Ofisi za Mitaa katika Halmashauri ya Mji Tunduma kujionea maendeleo ya zoezi la ubandikaji nakala ya Orodha ya Wapiga Kura katika mitaa hiyo.

Mhe. Mwandobo ametembelea Ofisi ya Serikali ya Mtaa wa Nyerere, Kata ya Chipaka pamoja na Ofisi ya Mtaa wa Maporomoko Kata ya Maporomoko ambapo amejionea Wasimamizi Wasaidizi wa Kata na Mitaa wakibandika sehemu za wazi majina ya Wananchi waliojiandikisha kwenye Orodha ya Wapiga Kura ili kutoa haki kwa Wananchi wa mitaa hiyo kuhakiki majina yao.

 Zoezi la Uandikisha Wananchi kwenye Orodha hiyo lilinza tarehe 11 Oktoba 2024 na limekamilika tarehe 20 Oktoba 2024, ambapo zoezi hilo linatoa fursa kwa Wananchi kuwa na sifa za kugombea na kupiga kura katika Uchaguzi wa Serikali za Mitaa utakaofanyika tarehe 27 Novemba 2024.

Matukio katika Picha:

Mkuu wa Wilaya ya Momba, Mhe. Elias Mwandobo tarehe 21 Oktoba 2024 akishuhudia zoezi la ubandikaji wa nakala ya Orodha ya Wapiga Kura katika Ofisi ya Serikali ya Mtaa wa Nyerere, Kata ya Chipaka.

Baadhi ya Wasimamizi Wasaidizi wa Uchaguzi Halmashauri ya Mji Tunduma kwa nyakati tofauti wakiendelea na zoezi la ubandikaji nakala ya Orodha ya Wapiga Kura katika mitaa mbalimbali.

Baadhi ya Wananchi kwa nyakati tofauti wakihakiki majina yao kwenye Daftari la Orodha ya Wapiga Kura katika mitaa mbalimbali kwa ajili ya kushiriki Uchaguzi wa Serikali za Mitaa utakaofanyika tarehe 27 Novemba 2024.